ad

ताप्लेजुङमा लागूपदार्थ तथा अवैध तस्करीविरुद्धको दिवस मनाइने

SHARES
Nepal Live

ताप्लेजुङ– हरेक जुन २६ तारिखका दिन मनाइने अन्तर्राष्ट्रिय लागूपदार्थ तथा अवैध तस्करीविरुद्धको दिवस ताप्लेजुङमा पनि साताव्यापी कार्यक्रमका साथ मनाइने भएको छ। 

जिल्ला प्रशासन कार्यालयको अगुवाइमा बुधबार बसेको सरोकारवालाबीचको बैठकले असार ५ गतेबाट सचेतनामूलक कार्यक्रम सुरु गरी असार १२ गते समापन गर्ने निर्णय गरेको हो। 

लागूपदार्थ तथा अवैध तस्करी न्युनिकरणका लागि विभिन्न सचेतनामूलक कार्यक्रमका साथ यो दिवस मनाउन लागिएको प्रमुख जिल्ला अधिकारी मोहनबहादुर जिसीले जानकारी दिए। 

जिल्लाका प्रत्येक माध्यमिक स्तरका विद्यालयमा लागूऔषध नियन्त्रण तथा यसका कानुनी प्रक्रिया र असरका विषयमा विद्यार्थी तथा अभिभावकलाई जानकारी गराउने, सम्पूर्ण स्थानीय तहका जनप्रतिनिधिलाई आ–आफ्नो क्षेत्रमा लागूऔषधको विषयमा सचेतनामूलक कार्यक्रम गर्न अनुरोध गर्ने, ग्रामीण क्षेत्रमा रहेका महिला स्वास्थ्य स्वयंसेविकालाई टोलटोलमा पठाई लागूऔषधका विषयमा सचेतनामूलक जानकारी गराउन लगाउने लगायतका कार्यक्रम गरिने निर्णय भएको छ। 

यसैबीच जिल्ला जनस्वास्थ्य कार्यालय र जिल्ला प्रहरी कार्यालयले लागूऔषध नियन्त्रण र यसका असरका विषयमा पर्चा पम्प्लेट वितरण तथा प्रचार–प्रसार गर्ने साथै यस अभियानका क्रममा गाँजा खेती गरिएका क्षेत्रको पहिचान गरी नष्ट गर्ने निर्णयसमेत भएको छ। रासस

तपाईको प्रतिक्रिया

यसमा तपाइको मत


सम्बन्धित समाचार