डिएसपी बढुवाविरुद्ध उजुरी

 

Nepal Live

काठमाडौ- नेपाल प्रहरीको नायब उपरीक्षक(डिएसपी) पदमा भएको बढुवा सिफारिसविरुद्ध उजुरी परेको छ। इन्सपेक्टर खड्ग नारायण साहले उजुरी दिएका हुन्। 

आफु सिनियर भएपनि बढुवामा छुटाइएर अन्याय गरेको भन्दै उनले उजुरी दिएका हुन्। साह २०६२ सालका इन्सपेक्टर हुन्। प्रहरी महानिरीक्षक सर्वेन्द्र खनाल नेतृत्वको बढुवा समितिले ८ दिनअघि २०६३ सालमा भर्ना भएका ५५ जना इन्सपेक्टरलाई डिएसपी बढुवामा सिफारिस गरेको थियो। अघिल्लो ब्याचका केही सिनियर इन्सपेक्टरहरु बढुवामा छुटेका थिए। 

५५ जनामध्ये पनि सिनियरलाई पछि पारिएको र नेताहरु निकटलाई बढुवामा अघि राखिएको भन्दै सिफारिसमा विवाद भएको थियो। 

एसपी र डिएसपी बढुवामा राम्रा प्रहरी अधिकारीलाई पछि पारिएको तथा नेता निकटलाई पुरस्कृत गरिएको भन्दै गृहमन्त्री रामबहादुर थापा र प्रहरी महानिरीक्षक सर्वेन्द्र खनालको आलोचना भइरहेको छ। 

के हुन्छ उजुरीउपर ? 
उजुरीउपर लोक सेवा आयोगका अध्यक्ष रहेको उजुरी सुन्ने समितिले छानबिन गर्ने छ। जसमा मुख्यसचिव र कानुन मन्त्रालयका सचिव सदस्य हुनेछन्। उजुरी दिने म्याद सकिएको १५ दिनभित्र सो समितिले उजुरीउपर टुंगो लगाउनुपर्ने प्रहरी नियमवाली २०७१ मा उल्लेख छ। 

तर, सो समितिले बढुवालाई हेरफेर गर्न नसक्ने प्रावधान पछि थपिएको थियो। 

उजुरी पुष्टि हुन नसके उजुरीकर्ताको २ नम्बर काटिने प्रावधान पनि प्रहरी नियमावलीमा छ। 

करिब ४ वर्षअघिको एआईजी बढुवाको सिफारिसलाई उजुरी सुन्ने समितिले उल्टाएपछि सरकारले समितिको अधिकार कटौती गरेको हो। जसकारण उजुरीको प्रावधान देखावटी मात्र बनेको छ। 
 

प्राप्त प्रतिकृयाहरू

Diliip Sunar
सहि भए नउल्टिने रे गलत भए चै नम्वर काटिने रे।कस्ताे खालकाे नियम हार् यार सुन्दै कन्सिरिकाे राै तात्ने खालकाे । यसकाे विराेधमा पत्रकार महाेदय नि बाेलिदिनुपर्याे । याे त साराे अन्याय वाला नियम रैछ । लाेकतन्त्रमा यस्ताे सुहाउदाे कुरा कदापि हुन सक्दैन ।

प्रेम प्र. पांडे।
समाधान बिनाको उजुर समिति! बेकारको लफडा मात्रै, सहि भए नउल्टिने रे गलत भए चै नम्वर काटिने रे।

तपाईको प्रतिक्रिया

यसमा तपाइको मत


सम्बन्धित समाचार