चितवनमा ३७ मोटरसाइकल र ७ गाडी नियन्त्रणमा, विप्लवका २८ कार्यकर्ता पक्राउ

नेपाल लाइभ

Nepal Live

चितवन- जिल्लामा अनुमति नलिई सञ्चालनमा आएका ३७ मोटरसाइकल र ७ वटा गाडी प्रहरीले नियन्त्रणमा लिएको छ।

जिल्ला प्रहरी कार्यालय चितवनका प्रमुख दीपक थापाका अनुसार जिल्लाभरिका विभिन्न स्थानबाट ती साधनलाई नियन्त्रणमा लिइएको हो। नियन्त्रणमा लिइएका सवारीसाधन एउटा प्रयोजनका लागि स्वीकृति लिएर अर्को प्रयोजनमा प्रयोग गरिएको उनले बताए।

जिल्लामा शान्ति सुरक्षाको प्रबन्ध राम्रो भएको भन्दै उनले सहज रुपमा मतदान भइरहेको बताए। प्रहरीले पूर्वी चितवनबाट निर्वाचन विरोधी गतिविधिमा संलग्न दुई जनालाई नियन्त्रणमा लिएको छ।

हालसम्म निर्वाचन विरोधी गतिविधि गर्ने २८ जनालाई नियन्त्रणमा लिइएको छ। उनीहरु विप्लव नेतृत्वको नेपाल कम्युनिस्ट पार्टीका रहेका छन्।

पढ्नै पर्ने