ओलीप्रति देउवाको व्यङ्ग्य : भोट हालेपछि पनि देउवाले चुनाव सार्दै छ भन्न बेर छैन! 

ललित बोहरा

Nepal Live

डडेल्धुरा– प्रधानमन्त्री शेरबहादुर देउवाले अब पनि जनतालाई शेरबहादुरले चुनाव सार्दै छन् नभन्न एमाले अध्यक्ष केपी ओलीलाई आग्रह गरेका छन्।

गृहजिल्ला डडेल्धुराको गन्यापधुरा गाउँपालिकाका वडा नम्बर १ स्थित असिग्राम मावि मतदान केन्द्रमा मतदान गरेपछि प्रधानमन्त्री देउवाले पत्रकारसँगको कुराकानीमा यस्तो बताएका हुन्।

देउवाले भने, ‘हाम्रो ओलीजीले त भोट हालेपछि पनि चुनाव सार्दै छ भन्न बेर छैन!’

उनले चुनावमा निर्धक्क भएर सहभागी आम मतदातालाई आग्रह समेत गरे। 

सुरक्षा चुनौतीबारे सोधिएको प्रश्नमा देउवाले बम विस्फोट गराउने तत्व सानो पटाका मात्र भएको टिप्पणी गरे। 

‘यी त हाम्रो लागि साना पटाका मात्र हुन्, यिनीहरुले निर्वाचनमा कुनै असर पार्न सक्दैनन्’, उनले भने।

पढ्नै पर्ने