ad

६१ हजार लाभग्राहीमध्ये गोरखाका ४५ सय भूकम्पपीडितले मात्रै घर पाए

नेपाल लाइभ

Nepal Live

गोरखा-  विनाशकारी भूकम्प गएको ३० महिना बितिसक्दा सरकारी अनुदान रकम लिएर गोरखामा ४ हजार ५८५ वटा भूकम्प प्रतिरोधी घर निर्माण भएका छन्। भूकम्पले करिब ७० हजार वटा घर तथा गोठ भत्किएको भए पनि सरकारले ६१ हजार ३ सय जनालाई घर बनाउन अनुदान दिने गरी लाभग्राही सूचीमा राखेको छ। 

राष्ट्रिय पुनःनिर्माण प्राधिकरण जिल्ला समन्वय समितिको सचिवालयका प्रमुख शिवलाल पौडेलका अनुसार ६१ हजार ३ सय लाभग्राहीमध्ये अहिलेसम्म ५८ हजार जनाले रु ५० हजारका दरले पहिलो किस्ता पाइसकेको र १२ हजार ९२० जनाले दोस्रो किस्ता बुझ्नुका साथै ४ हजार ५८५ जनाले तेस्रो किस्ता अनुदान पाएका छन्। 

सरकारले जग खन्नका लागि पहिलो किस्ता रु ५० हजार, घरको डिपिसी गरेपछि दोस्रो किस्ता रु एक लाख ५० हजार र घर निर्माण सकेपछि तेस्रो किस्ता रु एक लाख दिने नियम बनाएअनुसार किस्ताबन्दीमा भूकम्पपीडितलाई घर निर्माणमा सघाएको हो। प्रदेशसभा तथा प्रतिनिधिसभा सदस्य निर्वाचनमा प्राधिकरण, कोलेनिका लगायत कार्यालयका कर्मचारी खटिकाले एक साता अनुदान वितरण प्रभावित भए पनि बुधबारदेखि लाभग्राहीलाई पुनः अनुदान वितरण थालिएको पौडेलले बताए।

कामदार, निर्माण सामग्री, मापदण्डको अन्यौल, बैंक नहुँदा अनुदान किस्ता लिन सास्ती लगायत बाधाव्यवधानका बीच भूकम्पपीडितले घर बनाएका छन्। चिसो बढ्दै गएको छ भने उत्तरी भेगमा हिउँ पर्न थालिसकेको छ। मर्मत गरेर बस्न मिल्ने घरलाई पनि सरकारले मर्मत खर्च दिने बताएको छ। 

एक लाख रुपैयाँ लिएर चर्किएका घरहरु मर्मत गर्न सकिन्छ। गोरखाका २०१९ जना भूकम्पपीडितको नामावली रु एक लाखका दरले अनुदान पाउने गरी प्रबलीकरण (मर्मत) मा निस्किएको भए पनि प्रबलीकरणको काम भने अझै सुरु भएको छैन। 

भूकम्पपीडितलाई छिटो अनुदान लिएर घर बनाउन सरकारले आग्रह गर्दै पनि भूकम्पपीडितले अनेक बहानामा घर बनाउन ढिलाइ गरेका छन्।रासस
 

?>

प्राप्त प्रतिकृयाहरू

यसमा तपाइको मत


प्रदेश नं ६ मा शिक्षा क्षेत्रमा बढी भ्रष्टाचारका उजुरी

Nepal Live

सुर्खेत, १३ भदौ । अख्तियार दुरुपयोग अनुसन्धान आयोग सुर्खेतले प्रदेश

महाकालीमा चारलेनको पुल निर्माणकोे तयारी

Nepal Live

भीमदत्तनगर, १३ भदौ । कञ्चनपुरको महाकाली नदीमा चार लेनको पक्की

उज्यालो नेपाल अभियान निरन्तर अगाडि बढ्छ : घिसिङ

Nepal Live

काठमाडौँ- नेपाल विद्युत् प्राधिकरणका कार्यकारी निर्देशक कुलमान घिसिङले उज्यालो नेपाल अभियान

बाढीले अवरुद्ध जिप सफारी पुनः सञ्चालनमा

Nepal Live

रत्ननगर (चितवन)- पर्यटकीय क्षेत्र कुमरोजमा बाढीले बगाएको सडक मर्मतपछि यहाँ अवरुद्ध

काभ्रेमा कृषि उपजको औसत मूल्य घटदै

Nepal Live

बनेपा- काभ्रेपलाञ्चोकमा उत्पादन हुने विभिन्न कृषि उपजको औसत मूल्य घटदै गएको

बाढीको बीमा नगर्दा सौराहाका होटल व्यवसायी मारमा

Nepal Live

चितवन- बाढीबाट हुने क्षतिको बीमा नहुँदा पर्यटकीय नगरी सौराहाका होटल व्यवसायी

पढ्नै पर्ने