डकैती गर्न हिडेका युवा पेस्तोलसहित गोकर्णमा पक्राउ

नेपाल लाइभ

Nepal Live

 काठमाडौं– डकैती गर्न हिडेका एक युवा पेस्तोलसहित पक्राउ परेका छन् । महानगरीय प्रहरी वृत्त बौद्धले सोमबार बेलु्का गोकर्णमा चेकजाँच गर्ने क्रममा सिन्धुपाल्चोक घर भएका धिरेन श्रेष्ठलाई पेस्तोलसहित पक्राउ गरेको हो । बौद्ध वृत्तका डिएसपी अच्यूत पुडासैनीका अनुसार उनी डकैतीको उदेश्यले पेस्तोल बोकेर हिडेको अनुसन्धानमा खुलेको छ । 

  प्रहरीले चेकजाँच गर्ने क्रममा बा. ८८ प. ८२८४ नम्बरको मोटरसाईकल सवार श्रेष्ठ पक्राउ परे । तर, मोटरसाइकल चालक रमेश तामाङ भने भाग्न सफल भएका छन् । श्रेष्ठबाट सटर फोर्न प्रयोग हुने हुक समेत बरामद भएको प्रहरीले जनाएको छ । पक्राउ परेका श्रेष्ठ चार वर्ष मलेसिया बसेर फर्किएका युवा हुन् । 
 
 

पढ्नै पर्ने