जुम्लामा एनआइसी एसिया बैंकको शाखा खुल्यो

नेपाल लाइभ

Nepal Live

जुम्ला- एनआइसी एसिया बैंकले जुम्लामा आफ्नो शाखा विस्तार गरेको छ। आइतबार चन्दननाथ नगरपालिका–५ जुम्लामा बैंकले आफ्नो शाखा उद्घाटन गरेको हो। 

जुम्लामा स्थापित नयाँ शाखाको उद्घाटन उद्योग वाणिज्य संघ जुम्लाका अध्यक्ष रामदत्त रावलले गरे। बैंकको उद्घाटन गर्दै अध्यक्ष रावलले अन्य बैंकको तुलनामा यसले फरक सेवा सुविधा दिने र जुम्ली जनताका लागि यो बैंक थप सहयोगी भएर आएको जनाए।

न्यून आयस्रोत भएका नागरिकलाई सस्तो र सुलभ ब्याजमा ऋण उपलब्ध गराउँदै आएको एनआइसी एसिया बैंक लिमिटेड जुम्ला शाखाका प्रबन्धक कालिबहादुर रोकायाले बताए।

बैंकिङ सेवा विस्तारका क्रममा एनआइसी एसिया बैंकको शाखासँगै जुम्लामा अब बैंकको सङ्ख्या १० पुगेको छ। नेपालभर १३५ शाखा विस्तार गरेको यो बैंकले जुम्लाका सबै स्थानीय तहमा आफ्नो सेवा विस्तार गर्ने लक्ष्य राखेको छ।रासस
 

पढ्नै पर्ने