उत्कृष्ट वर्ष पुस्तकलार्इ 'विमल स्मृति पुरस्कार' दिइने

नेपाल लाइभ

Nepal Live

धरान- प्रत्येक वर्ष देशभरबाट प्रकाशित पुस्तकमध्ये उत्कृष्ट पुस्तकलार्इ विमल स्मृति पुरस्कार प्रदान गरिने भएको छ।

कवि विमल गुरुङ स्मृति पुस्तकालय सञ्चालन समितिको आजको बैठकले उत्कृष्ट पुस्तकलार्इ रु ५१ हजार पुरस्कार प्रदान गर्ने निर्णय गरेको हो। पुरस्कारका लागि आफ्नो पुस्तक पुस्तकालयमा दर्ता गर्न पनि अनुरोध गरिएको सञ्चालक समितिका सचिव चेवन रार्इले बताए। 

धरानमा अध्ययन गर्ने बानीको विकास गर्ने उदेश्यले पूर्णबहादुर गुरुङले छोरा स्वर्गीय विमल गुरुङको नाममा २६ वर्षअघि पुस्तकालय स्थापना गरेका हुन्। साहित्यमा रुचि भएका विमलले थुप्रै कविता लेखेका थिए। उनको १९ वर्षको उमेरमा सडक दुर्घटनामा परी निधन भएको थियो। 

विमलको स्मृतिमा प्रत्येक बैसाख २४ गते पुरस्कार प्रदान गरिने राईले जानकारी दिए।

धरान उपमहानगरपालिकामा रहेको पुस्तकालयले विमलको जन्मदिनको अवसर पारेर कात्तिक १९ गते कविता महोत्सव पनि गर्दै आएको छ। 

पूर्व बेलायती गोर्खा सैनिक पुर्णबहादुरले आफूले कमाएको सम्पूर्ण रकम पुस्तकालय निर्माणमा खर्च गरेका छन्। पुस्तकालयलार्इ आधुनिक बनाउन ४० लाख रुपैयाँभन्दा बढीको लगानीमा नयाँ भवन निर्माण भइरहेको छ।
 

पढ्नै पर्ने