ad

घाँटीमा प्वाल परेको घाइते गैँडा भेटियो

नेपाल लाइभ

Nepal Live

रत्ननगर, चितवन - चितवन राष्ट्रिय निकुञ्जको पूर्वी क्षेत्रअन्तर्गत बाघमारा मध्यवर्ती सामुदायिक वनमा घाँटीमा प्वाल परेको अवस्थामा एउटा घाइते गैँडा फेला परेको छ । 

अन्दाजी १५÷२० वर्षको जस्तो देखिने पोथी गैँडा घाइते अवस्थामा भेटिएको हो। 

निकुञ्जका प्रमुख संरक्षण अधिकृत रामचन्द्र कँडेलका अनुसार अर्को गैँडाले हानेर घाँटीमा प्वाल परेको अवस्थामा गैँडा देखिएकाले उपचार थालिएको छ। 

अर्को गैँडाको सिङले घाँटीमा उनेको जस्तो देखिएको बताउँदै घाउमा पिप बगिरहेको अवस्थामा केही दिनअघि सो गैँडा फेला पारिएको उनले बताए। ‘निकुञ्जका चिकित्सक र पशु प्राविधिज्ञहरुको टोलीले उपचार थालेका छन्’, कँडेलले भने, ‘उपचार सफल हुने आशा छ ।’

उक्त गैँडाको घाँटीसँगै करङ र खुट्टामा समेत चोट देखिएको निकुञ्जका सूचना अधिकारी नुरेन्द्र अर्याल बताउँछन्। घाँटीको श्वासनलीसम्मै असर परेको छ । गैँडालाई डाट गरेर बेहोस बनाई एन्टिबायोटिक, भिटामिन र मिनरल दिइएको छ । घाइते भएपछि आहालमा मात्रै बस्दै आएको गैँडा अहिले हिँड्डुल गर्न थालेको जनाइएको छ । 

निकुञ्जको सेना र बाघमारा मध्यवर्ती सामुदायिक वनका कर्मचारीले गैँडाको निगरानी गरिरहेका छन् । 

यसअघि गएको भदौ अन्तिम साता चितवन राष्ट्रिय निकुञ्जको पूर्वी सेक्टरअन्तर्गत कुमरोज सामुदायिक वनमा भाले गैँडाले हानेर अर्को भाले गैँडाको मृत्यु भएको निकुञ्जका सहायक संरक्षण अधिकृत अभिनय पाठक बताउँछन्। 

अघिल्लो वर्ष पनि गैँडाले हानेर गैँडाको मृत्यु भएको थियो । चितवन निकुञ्जमा ६०५ वटा दुर्लभ एकसिंगे गैँडा रहेको तथ्याङ्क छ । 

अघिल्लो वर्ष निकुञ्जमा विभिन्न कारणले २५ गैँडा मरेको थियो । चालु आवमा पनि नौवटा गैँडा विभिन्न कारणले मरिसकेको निकुञ्जका सूचना अधिकारी नुरेन्द्र अर्यालले बताए। रासस
 

?>

प्राप्त प्रतिकृयाहरू

यसमा तपाइको मत


शुक्लाफाँटा नगरपालिकाका जननिर्वाचित प्रतिनिधिका छोराछोरी सामुदायिक विद्यालयमा पढ्ने

Nepal Live

कञ्चनपुर - कञ्चनपुर शुक्लाफाँटा नगरपालिकाका जननिर्वाचित प्रतिनिधि र राष्ट्र सेवकका छोराछोरी

सोलुखुम्बुमा आगलागीबाट ११ लाख भन्दा बढीको क्षति

Nepal Live

सोलुखुम्बु- सोलुखुम्बु दूधकुण्ड नगरपालिका– ७ च्याल्सामा एउटा घरमा आगलागी हुँदा ११

बालबालिकाको प्रयोग हुन नदिनेसम्बन्धी प्रतिबद्धता पत्रमा हस्ताक्षर

Nepal Live

काठमाडौँ, १२ भदौ । आगामी निर्वाचनलाई स्वच्छ, स्वतन्त्र र विश्वसनीय

पीडा भुल्न बाढीपीडितलाई मनोपरामर्श

Nepal Live

इटहरी- पीडामै रुमल्लिएका सुनसरी र मोरङ जिल्लाका बाढीपीडतलाई व्यवहारिक जीवनमा अभ्यस्त

आफन्तको पर्खाइमा पीडामा दिन बिताउँदै बेपत्ता परिवार

Nepal Live

रोल्पा- बेपत्ता भएको लामो समयसम्म आफन्तजनका बारेमा कुनै जानकारी नपाउँदा रोल्पाका

झापामा छत्तीस हजार घरधुरी शौचालयविहीन

Nepal Live

बनियानी (झापा)- झापालाई खुला दिसामुक्त घोषणा गर्ने अभियानमा चुनौती देखिएको छ

पढ्नै पर्ने