मोरङको विभिन्न नाकाबाट दुई लाख बराबरको सामान बरामद

रबिन्द्र बराल 

Nepal Live

रंगेली– मोरङको सीमावर्ती नाकाबाट अबैधरुपमा नेपाल भित्र्याउन लागेको कपडा रंगेली प्रहरीले बरामद गरेको छ।

भन्सार छलेर अबैधरुपमा चोरी निकासी एवम् पैठारी नियन्त्रण गर्ने उद्देश्यअनुरुप शनिबार बिहान ४ बजे इलाका प्रहरी कार्यालयको गस्ती टोलीले गोप्य सूचनाको आधारमा धनपालथान–४ स्थित कर्सिया बजारमा भारतबाट नेपालतर्फ ल्याउदै गरेको करिब २ लाख रुपैयाँ बराबरको रेडिमेड कपडा बरामद भएको हो। 

यस्तै, प्रहरीले जहदा गाउँपालिका–४ स्थित पोखरियाबाट शुक्रबार राति ९ बजे चिनी, तेल लगायत सामानसहित ढुवानीमा प्रयोग गरिएको भारतीय नम्बर प्लेटको एक मोटरसाइकल समेत बरामद गरेको छ।

त्यसैगरी रंगेली नगरपालिका–४ स्थित चोप्राहा नाकाबाट अवैध रुपमा भारततर्फ लैजाँदै गरेको अवस्थामा ४ थान गाई समेत नियन्त्रणमा लिएर संलग्नहरुलाई पक्राउ गरिएको प्रहरीले जनाएको छ।

पढ्नै पर्ने