हाम्रो किबोर्ड अब एपस्टोरमा पनि

नेपाल लाइभ

Nepal Live

काठमाडौं- युनिकोड नेपाली टाइप गर्न सकिने लोकप्रिय एप 'हाम्रो नेपाली किबोर्ड' अब आइफोन प्रयोगकर्ताहरुले पनि उपयोग गर्न सक्ने भएका छन्।

यसअघि एन्ड्रोइड प्रयोगकर्ताहरुका लागि प्लेस्टोरमा मात्र उपलब्ध रहेको यो एप एपस्टोरमा पनि उपलब्ध भएको हो। 

हाम्रो पात्रो समूहले बडादशैंको अवसर पारेर एप सार्वजनिक गरेको हो । एपस्टोरमा एप डाउनलोड गरेर विभिन्न इन्टरफेसमध्ये आफूलार्इ मनपर्ने विधिको प्रयोग गरी आइफोनमा नेपाली भाषामा लेख्न सकिने जनाइएको छ।

लोकप्रिय इमोजीहरु समावेश गरिएको किबोर्डमा नियमित अंग्रेजी अक्षरका साथै  नेपाली तथा अंग्रेजी भाषामा नम्बरहरू समेत राखिएका छन् ।

किबोर्डमा कुनै अक्षर टाइप गर्दा सो अक्षरबाट प्रारम्भ हुने अन्य धेरै शब्द सुझावका रूपमा देखाइदिने भएकाले आवश्यक शब्द छानेर टाइप गर्न सजिलो हुने अपेक्षा राखिएको छ।

पढ्नै पर्ने