ad

जापान र अमेरिका पठाउने भन्दै ३ करोड ठगी 

Nepal Live

काठमाडौं– जापान, अमेरिका तथ यूरोपियन देशमा पठाउने भनी करोडौ ठगी गर्ने ललितपुरको तिखेदेवल बस्ने नुवाकोटको थानपती घर भएका ३९ बर्षीय पारस लोहनीलाई प्रहरीले पक्राउ गरेको छ। उनले करिब ३करोड ठगी गरेको महानगरीय अपराध महाशाखाका एसएसपी दिवेश लोहनीले बताए। 

 
लोहनीले फ्रान्स, जापान, सिंगापुर, अमेरिका लगायतका देशहरुमा पानीजहाजमा आकर्षक सेवा सुविधा सहितको राजगारी पाउने भनी प्रलोभन देखाई विभिन्न व्यक्तिहरुबाट प्रतिव्यक्ति ७ लाखदेखि ३५ लाखसम्म गरी २ करोड ७५ लाख ठगी गरेको भनी ३३ जना पीडितहरुले महाशाखामा उजुरी गरेका दिएका छन्। 

    लोहनीले पीडितहरुसंग रकम लेनदेन गर्दा भेटेरै रकम लिने गरेको, कसैलाई आईएमई मार्फत पैसा पठाउन लगाउने गरेको र नगद संकलन गरे पश्चात काम नगरी सम्पर्क विहीन हुने  गरेका थिए।  पीडितहरुबाट काम छिटो गर्न दवाव आए पश्चात उनले बैदेशिक रोजगार सम्बन्धी कागज गर्ने, रकम नभएको बैंक खाताको चेक दिई अलमलाउने र कसैलाई भिजिट भिषामा दुबई, इण्डोनेसिया लगायतका देशमा पु¥याई अलपत्र पार्ने गरेको प्रहरीले जनाएको छ। 

ठगी मुद्दामा उनलाई प्रहरीले कारबाही अघि बढाएको छ। उनी पहिला म्यानपावर कम्पनी चलाउने व्यक्ति हुन्। 
 

तपाईको प्रतिक्रिया

यसमा तपाइको मत


सम्बन्धित समाचार