भारतलाई २८७ रनको लक्ष्य, दोस्रो इनिङमा दक्षिण अफ्रिका २५८ रनमा अलआउट

Nepal Live

सेन्चुरियल– दक्षिण अफ्रिका विरुद्धको दोस्रो टेस्टमा भारतले २ सय ८७ रनको लक्ष्य पाएको छ। दक्षिण अफ्रिका दोस्रो इनिङमा २ सय ५८ रनमा अलआउट भएपछि भारतले लक्ष्य पाएको हो।

दोस्रो इनिङमा दक्षिण अफ्रिकालाई सामान्य योगफलमा रोक्ने क्रममा भारतका मोहमद सामीले ४ विकेट लिए। जसप्रित बुमराहले ३ विकेट हात पार्दा इशान्त शर्माले २ विकेट लिए। रविचन्द्रन आस्विनले १ विकेट आफ्नो नाममा देखाए। 

दक्षिण अफ्रिकाका लागि एबि डिभिलियर्सले ८० रन जोडे। डिन इलगरले ६१ र कप्तान फाप डु फ्लेसिसले ४८ रन जोडे। 

यसअघि पहिलो इनिङमा दक्षिण अफ्रिका ३ सय ३५ रनमा अलआउट भएको थियो भने भारतले ३ सय ७ रन जोडेको थियो। 
 

तपाईको प्रतिक्रिया

यसमा तपाइको मत


सम्बन्धित समाचार

अन्य समाचार पढ्नुहोस्