ad

तीन वर्षसम्म कालोसूचीमा राखिने यी हुन् पाँच कम्पनी

नेपाल लाइभ

Nepal Live

काठमाडौँ- समयमै खरिद बिक्री नगर्ने विभिन्न ५ ठेकेदार कम्पनी कालोसूचीमा परेका छन्। 

प्रतिबद्धताबमोजिम काम नगर्ने ठेकेदार र ठेकेदार कम्पनीलाई सार्वजनिक खरिद अनुगमन कार्यालयले कालोसूचीमा राखी कारबाही गरेको हो। 

कालोसूचीमा परेकामा टोखा नगरपालिका धापासीको ‘डिएनके ट्रेडिङ प्रालि’, काठमाडौँ महानगरपालिका घट्टेकुलोको ‘क्वालिटी सेक्युरिटी गुड्स सप्लायर्स’, काठमाडौँ महानगरपालिका इन्द्रचोकको नारायणदास श्रीनिवास र काठमाडौँकै पवन कुमार/नितेश कुमार छन्। ललितपुर महानगरपालिकाको पशुपति इन्टरनेशनल प्रालिलाई पनि सार्वजनिक खरिद अनुगमन कार्यालयको कालोसूचीमा राखिएको छ।

समयमै काम नगरेका कारण ठेकेदार कम्पनीलाई कालोसूचीमा राखिएको अनुगमन कार्यालयका सचिव कृष्ण देवकोटाले जानकारी दिए।

उनका अनुसार ती कम्पनीले एकदेखि तीन वर्षसम्म कुनै कारोबार गर्न पाउने छैनन्। कम्पनीले गरेको गल्तीका आधारमा कारबाहीको समयावधि राखिएको र उनीहरुले पुनरावेदन गर्न सक्ने व्यवस्था भएको सचिव देवकोटाको भनाइ छ।रासस
 

प्राप्त प्रतिकृयाहरू

यसमा तपाइको मत


पढ्नै पर्ने